Máis da metade dos fogares galegos ten dificultades para chegar a fin de mes
Mellora a confianza do consumidor polas mellores perspectivas en aforro e emprego
Por Europa Press / Redacción | SANTIAGO DE COMPOSTELA | 04/10/2021 | Actualizada ás 11:32
Un 52,22% dos fogares galegos conta con dificultade ou moita dificultade para chegar a fin de mes, segundo os datos publicados este luns polo Instituto Galego de Estatística (IGE) relativos ao terceiro trimestre de 2021.
Esta taxa supón un descenso de dous puntos respecto do anteriores tres meses, pero computa un lixeiro incremento fronte ao mesmo período de 2020. Así, os fogares que chegan con facilidade ou moita facilidade sitúanse no 47,78%, tres puntos máis que no segundo trimestre (44,18%), aínda que por baixo de hai un ano (48,18%).
En comparación co segundo trimestre deste ano, os fogares que chegan con dificultade a fin de mes aumentan (pasan do 46,81% ao 47,05%), aínda que os que contan con moitas dificultades diminúen (do 9% ao 5,17%). Se se toma como referencia o terceiro trimestre de 2020, crecen máis de dous puntos os fogares con dificultades, mentres descenden dous puntos o que teñen moitas dificultades.
UN TERZO DOS FOGARES, SEN GASTOS EXTRA
Paralelamente, o 35,2% dos fogares galegos non se permitiu ningún gasto extra --como vacacións, imprevistos ou saír a cear, entre outros-- nos últimos tres meses.
O 9,3% dos fogares galegos cambiou de hábitos de compra con produtos de marcas branca ou de oferta. Así mesmo, o 8,34% reduciu gastos comúns, como roupa ou transporte.
Xunto a isto, case o 40% ten pensado aforrar nos próximos tres meses. O 15,55% dos galegos están a pagar a vivenda na que habitan, un 8,36% o coche e o 2,4% unha segunda vivenda.
No tocante á confianza do consumidor, hai un repunte de 1,5 puntos no indicador, con mellores perspectivas en aforro e emprego.
