CoruñeANDO, un espazo virtual de paseos pola Coruña
O Colexio oficial de Arquitectos de Galicia creou esta iniciativa co obxectivo é ofrecer un espazo virtual de paseos pola cidade.
Por Europa Press / Redacción | A CORUÑA | 05/10/2021 | Actualizada ás 14:47
A delegación coruñesa do Colexio oficial de Arquitectos de Galicia creou un espazo virtual de paseos pola cidade, dentro da Semana Mundial da Arquitectura.
De trata da web 'CoruñeANDO', que busca transmitir a arquitectura e o labor dos arquitectos á cidadanía, mediante rutas pola cidade da Coruña e cun soporte literario baseado en información arquitectónica e apuntamentos xornalísticos. Así o explicaron os seus responsables na presentación da inciativa coa presenza de membros da xunta directiva, entre eles o presidente da entidade coruñesa, Roberto Costas.
Sobre este proxecto dixital, os seus responsables indicaron que o obxectivo é ofrecer un espazo virtual de paseos pola cidade herculina de forma "sinxela, práctica e con información de calidade para que a xente poida pasear polos barrios e descubrir a historia e o valor dos seus edificios".
