Pontevedra inaugura unha exposición itinerante sobre festas e tradicións do século XX vinculadas ao Camiño

A Avenida de Montero Ríos, na cidade de Pontevedra, inaugurou este martes a exposición itinerante 'Carteis para un Camiño. 100 anos de ilustración Xacobea', que recollerá folletos e programas de festas do século XX para coñecer as tradicións que conflúen no Camiño de Santiago e a iconografía xacobea.

O vicepresidente primeiro da Xunta, Alfonso Rueda, o alcalde de Pontevedra, Miguel Anxo Fernández Lores, e a directora xeral de Industrias Culturais, Propiedade Intelectual e Cooperación do Ministerio de Cultura, Adriana Moscoso del Prado Hernández | Fonte: Xunta de Galicia.

A Boa Vila é a primeira parada desta mostra que chegará a outras nove localidades doutras tantas comunidades. A exposición poderá visitarse en Pontevedra ata o 30 de outubro e logo pasará por Tineo (Asturias), Laredo (Cantabria), Sangüesa (Navarra), Jaca (Aragón), León (Castela e León), Mérida (Estremadura), Sevilla (Andalucía), Cuenca (Castela-A Mancha), e Nájera (A Rioxa).