Por E.P. | SANTIAGO DE COMPOSTELA | 06/10/2021 | Actualizada ás 18:27
A residencia da Estrada é o banco de probas para a implantanción de tecnoloxías intelixentes nos centros de maiores da comunidade galega, que a Xunta prevé despregar en "toda" a rede pública no ano 2022.
Este mércores, o presidente autonómico, Alberto Núñez Feijóo, visitou acompañado pola conselleira de Política Social, Fabiola García, o centro da Estrada, onde se desenvolve desde o pasado mes de xullo un proxecto piloto de "residencia dixital" en colaboración con Televés.
"Seremos a primeira comunidade cun servizo sociosanitario con tecnoloxía intelixente e integrada na información sanitaria", sinalou Feijóo, que subliñou que a implantación destes sistemas tecnolóxicos "facilitará o traballo de coidadores" e a atención aos usuarios.
O proxecto desenvolvido na Estrada conta cun sistema de monitor multiparamétrico, que permite que o persoal enfermeiro reducir o tempo dedicado a trámites e transcricións. Así mesmo, os cuartos poden transformarse en habitacións intelixentes, con sensores que avisan se a persoa maior ten unha caída ou deambula de noite.
Tamén está en probas unha aplicación de seguimento para as persoas con deterioración cognitiva, orientada a que poidan pasear con maior seguridade grazas a estar geolocalizados de forma continua.
Ademais, as pantallas intelixentes instaladas no interior da residencia aumentarán as posibilidades de lecer, realizar terapias ou contactar coas súas familias.
"PILAR" DO NOVO MODELO
O presidente da Xunta, durante a súa intervención ante os medios, resaltou que este tipo de avances vinculados ás novas tecnoloxías é un de "alicerces" do novo modelo de residencias no que traballa a Administración autonómica.
Ademais da implantación de sistemas nos centros, a atención aos maiores tamén disporá dun censo actualizado "minuto a minuto" que servirá de base de datos unificada sobre as persoas maiores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.