Falece tras envorcar o seu tractor e quedar atrapado debaixo del no Barco

Unha persoa faleceu tras envorcar o tractor que manexaba e quedar atrapada debaixo no municipio ourensán do Barco de Valdeorras.

O accidente rexistrouse sobre as 17,00 horas, segundo os datos que manexa o 112 Galicia, no lugar de Coedo, no citado municipio.

Ata o lugar desprazáronse efectivos de Bombeiros de Valdeorras, GES do Barco e de Protección Civil, ademais do equipo sanitario do 061, que nada puido facer por salvarlle a vida.

Tractor | Fonte: Europa Press - Arquivo.