Ferido de consideración tras unha caída de catro metros de altura en Vila de Cruces

Un home resultou ferido de consideración despois de caer desde unha altura de catro metros no municipio de Vila de Cruces, en Pontevedra.

O accidente rexistrouse sobre as 17,30 horas, na Cima de Aldea, e o 061 mobilizou o helicóptero medicalizado para atender ao ferido, que foi evacuado ao Complexo Hospitalario Universitario de Santiago de Compostela.

O 112 Galicia puxo a situación en coñecemento de Protección Civil de Vila de Cruces e dos axentes da Garda Civil, para prestar apoio á aeronave.

Ambulancia do 061 | Fonte: 061-GALICIA - Arquivo.