Por E.P. | SANTIAGO DE COMPOSTELA | 08/10/2021 | Actualizada ás 11:31
Case a metade das intervencións que a compañía especializada en tratamentos contra as humidades Murprotec realiza en Galicia débense a filtracións por capilaridade.
Segundo a empresa, a climatoloxía propia da comunidade e as características xeolóxicas do seu chan, unido a unha "deficiente impermeabilidade" das edificacións, sitúanse na orixe destes problemas de humidades por capilaridade que presentan sobre todo vivendas unifamiliares, de planta baixa ou antigas.
A empresa explica que este tipo de humidades proveñen do chan e soben polos cimentos e muros polo efecto poroso e de capacidade de absorción de xuntas e ladrillos. Nun comunicado, Murprotec sostén que se trata dun tipo de humidade que "pode ser grave se non se trata a tempo e termina debilitando a estrutura dos edificios e pondo en perigo a estabilidade destes".
A empresa sitúa a condensación como a segunda causa de problemas de humidades e neste caso atribúeo ao "excesivo illamento térmico das vivendas". Esta patoloxía prodúcese cando o vapor de auga supera o 45% do ambiente dunha estancia e, por isto, aparecen problemas de moho ou goteos nas xanelas.
Murprotec en Galicia rexistra o mesmo número de incidencias de condensación tanto en obra antiga como en obra nova. Segundo a empresa, a tendencia actual de "illar os fogares dunha maneira excesiva para aforrar en calefacción" provoca que non ventilen ben. Isto, unido á humidade do ambiente por actividades como bañarse, lavar, cociñar ou secar a roupa, xera o vapor de auga que provoca humidades por condensación.
A compañía sostén que son "colectivos de risco" ante este tipo de patoloxías nas edificacións "anciáns, mulleres embarazadas e nenos". Por iso, puxo no mercado o plan 'Apoio ao Fogar: Avanzar xuntos fainos únicos', que busca axudar a fogares con humidades estruturais, para o que ofrece un diagnóstico "gratuíto" da situación, o estudo "profesional" da calidade do aire interior e un certificado de salubridade do espazo tras unha "análise exhaustiva".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.