A Deputación de Pontevedra concede 470.000 en subvencións a máis dun centenar de entidades sen ánimo de lucro
Por E.P. | PONTEVEDRA | 09/10/2021 | Actualizada ás 14:08
A Deputación de Pontevedra aprobou en xunta de goberno a concesión de subvencións por un total de 470.000 euros a 103 entidades sen ánimo de lucro, situadas nunha vintena de municipios da provincia, para que poidan actuar en políticas sociais. A presidenta da Deputación, Carmela Silva, explicou que estas contías están destinadas a "promover a igualdade de oportunidades e garantir os dereitos das persoas máis vulnerables".
Estas subvencións, engadiu, permitirán custear "programas a través dos cales se fomenta a posibilidade de que as persoas con máis dificultades poidan ter axuda para a estimulación cognitiva".
Tamén financiará programas de musicoterapia, autonomía persoal, emprego no rural, atención especializada para persoas que padecen enfermidades ou aqueles destinados ao "éxito educativo" de adolescentes migrantes.
