Nova morte dunha muller de 88 anos con covid nunha residencia da Coruña

A morte dunha muller de 88 anos que fora diagnosticada coa covid-19 e era usuaria da residencia Sanitas da Coruña eleva as vítimas da pandemia a 2.641.

Segundo informou a Consellería de Sanidade este sábado, a morte tivo lugar na xornada do venres e a muller presentaba patoloxías previas.

O anterior falecemento comunicado polas autoridades sanitarias galegas tivo lugar o pasado mércores, cando perdeu a vida un home de 76 anos con covid no Complexo Hospitalario Universitario de Santiago (CHUS).

Sanitarios nunha ambulancia trasladando pacientes con covid-19 dunha residencia a un hospital | Fonte: Santi Alvite.