Falecen dúas persoas que foran diagnosticadas de COVID

As autoridades sanitarias informaron de dous novos falecidos con covid-19 e que elevan a 2.646 o total de vítimas da pandemia na comunidade galega.

Ambos os casos rexistráronse este mércores 13 de outubro e presentaban patoloxías previas.

O primeiro deles foi unha muller de 72 anos de idade que se atopaba ingresada no Complexo Hospitalario Universitario de Santiago.

Así mesmo, tamén faleceu un home duns 68 anos de idade e que se atopaba ingresado no Hospital Lucus Augusti.

Unha sanitaria vacina a unha muller coa terceira dose da covid-19, na Residencia de Maiores Vista Alegre, a 22 de setembro de 2021, en Madrid | Fonte: Jesús Hellín - Europa Press.