Día das Escritoras nas bibliotecas autonómicas galegas con actividades para todos os públicos
As actividades conmemorativas na Biblioteca Pública de Pontevedra Antonio Odriozola arrincaron xa este venres.
Por E.P. | SANTIAGO DE COMPOSTELA | 15/10/2021 | Actualizada ás 18:34
As bibliotecas públicas da Xunta nas cidades da Coruña, Lugo, Ourense, Pontevedra, Santiago de Compostela e Vigo, así como a Biblioteca de Galicia, súmanse á conmemoración do Día das Escritoras, que nesta sexta edición celébrase o 18 de outubro.
A efeméride impulsada pola Biblioteca Nacional de España, xunto á Federación Española de Mulleres Directivas, Executivas, Profesionais e Empresarias e a Asociación Clásicas e Modernas, ten como obxectivo a posta en valor do legado cultural das autoras literarias ao longo da historia.
As actividades conmemorativas na Biblioteca Pública de Pontevedra Antonio Odriozola arrincaron xa este venres. Mentres, a Biblioteca Pública da Coruña Miguel González Garcés desenvolverá o día 18, ás 18,00 horas, a actividade 'Os relatos en feminino'.
As propostas estenderanse ás demais bibliotecas. Así, no caso da cidade de Santiago, a Biblioteca Pública Ánxel Casal súmase co recital para público adulto 'Palabra de muller', que terá lugar o luns, ás 19,30 horas.
