O presidente do TSXG evita pronunciarse sobre o arquivo da denuncia da Maruxaina

"Un presidente non debe entrar nestas cuestións", apuntou Díaz-Castroverde, antes de sinalar que "os dereitos da muller están protexidos polos xuíces".

Por E.P. | SANTIAGO DE COMPOSTELA | 17/10/2021 | Actualizada ás 20:44

Comparte esta noticia

O presidente do Tribunal Superior de Xustiza de Galicia (TSXG), José María Gómez e Díaz-Castroverde, defendeu o control xudicial sobre as medidas administrativas, tamén as sanitarias, xa que a falta desa supervisión "sería un problema". Nunha entrevista concedida este domingo a Cadea Ser e recollida por Europa Press, o presidente do Tribunal argumentou que non sería adecuado, "ao prezo que se está pagando pola pandemia", engadir o preio da "quebra do Estado de Dereito".

"O control xurisdicional das decisións é un alicerce do Estado de Dereito. É importante que non esteamos alleos, sobre todo se son decisións restritivas de dereitos fundamentais", argumentou. Nesta liña e respecto da diferenza de criterios entre tribunais e á posibilidade de que iso menoscabe a credibilidade dos xuíces, Díaz-Castroverde comentou que "hai que porse en cada caso porque, aínda que pareza idéntico a outro, non todos o son".

O presidente do Tribunal Superior de Xustiza de Galicia (TSXG), José María Gómez y Díaz-Castroverde, ás portas dos xulgados de Vigo.
O presidente do Tribunal Superior de Xustiza de Galicia (TSXG), José María Gómez y Díaz-Castroverde, ás portas dos xulgados de Vigo. | Fonte: Europa Press

MARUXAINA

Ao máximo responsable do TSXG preguntóuselle por un caso polémico, o da Maruxaina, que foi arquivado polo Xulgado nº1 de Instrución de Viveiro, e contra o que se presentou recurso. O caso baséase na denuncia de 30 mulleres que foron gravadas, sen o seu consentimento, ouriñando en plena rúa durante as festas populares da Maruxaina en Cervo en 2019; unhas imaxes que acabaron en webs de pornografía.

"Un presidente non debe entrar nestas cuestións e debe apoiar a independencia e imparcialidade dos xuíces e deixar que os tribunais resolvan a cuestión, pero creo que os dereitos da muller están protexidos polos xuíces", defendeu Díaz-Castroverde, que pediu ademais esperar a que se resolva o recurso de apelación ante a Audiencia de Lugo.

A este respecto, tamén se cuestionou se é necesaria unha maior formación en igualdade, ao que o presidente contestou lembrando o "fortísimo" programa de formación en materia de violencia de xénero, que cursan este ano 300 maxistrados.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

Tanto falar de Dereitos Fundamentais e logo miran para Cuenca ! Fiscalía deixou pasar 18 meses os Plenos de Vigo á porta pechada (sen streaming) á vontade do Ditador Local ! Enviamos puntualmente as denuncisa vía Twitter ao Tribunal Superior de Xustiza de Galicia pero deben estar todos moi ocupados roncando ! O último Pleno OCULTO (como aínda se pode ver) foi o da aprobación inicial do PXOM de Vigo ! https://twitter.com/00Gamela/status... Pois nada que sigan falando de Dereitos Fundamentais mentras permiten o secuestro diario da democracia sen mover un dedo ! E logo lles molesta que os chamen lacazáns !