Novas protestas do sector da perruquería que pide a rebaixa do IVE ao 10%

O colectivo "REBELIÓN DAS TESOIRAS ROTAS", do sector da estética e da perruquería, iniciaron unha nova campaña reivindicativa para denunciar a "actitude intransixente"do Partido Socialista e a promover o seu cambio de posición para incluir a baixada do IVE reducido no sector da imaxe persoal nos vindeiros Presupostos Xerais do Estado para 2022.

Con frases como “NON MÁIS VETOS, SÍ MÁIS VOTOS”, “O IVE XERAL, ERA

TEMPORAL”, O PSOE VÉTANOS, NÓS VOTAMOS" ou “SE ESTABA APROBADO,

¿POR QUÉ O TEDES VETADO?”, as profesionais da imaxe persoal protestaron este luns na Praza do Obradoiro  polas "reiteradas inxustizas cometidas polo PSOE e os seus vetos antidemocráticos" nas votacións apoiadas por todas as forzas políticas con representación parlamentaria no Congreso e o Senado coa súa única excepción.

O colectivo critica que non se teña en conta a moción aprobada o pasado 22 de setembro co apoio de todos os grupos parlamentarios do Senado, coa excepción do PSOE, que instaba ao Goberno a incorporar a baixada do IVE á imaxe persoal nos Presupostos Xerais.

Así, a través dun comunicado, indica que esta recuperación do IVE ao 10% pode axudar a máis de 20.000 salóns de perruquería e estética e a os máis de 47.000 postos de traballo, especialmente femininos, de mozos e autónomos, que están en risco de desaparición por un IVE elevado. "Consideramolo coma un servizo considerado esencial", di ao lembrar que, pola crise provocada pola pandemia e a suba incontrolada do prezo da luz, os salóns de estética e de perruquería están traballando ao 52,7% da súa actividade cotiá.