Galicia non rexistra ningún falecemento por covid-19 este martes

O Sergas notificou que non se rexistrou ningún falecemento por covid-19 en Galicia na xornada deste martes.

Así, a cifra oficial de mortos por covid-19 no territorio galego mantense en 2.648, despois de informarse onte de dous falecementos.

Unha das mortes produciuse o pasado sábado, 16 de outubro. Trátase dunha muller de 85 anos da residencia Clece Vitam Pardo Bazán de Vigo, falecida no Chuvi.

O outro óbito tivo lugar o pasado domingo, 17 de outubro. A falecida é unha muller de 90 anos, cuxa defunción tamén ocorreu no Chuvi.

Ambas as dúas contaban con patoloxías previas.