Sada amplía a programación das visitas guiadas ao Pazo de Meirás aos grupos escolares

O Concello de Sada ampliou a programación das visitas guiadas ao Pazo de Meirás aos grupos escolares, segundo informa o goberno local.

"Coa chegada do novo curso escolar remitiuse aos centros información sobre as visitas escolares que se prepararon este ano ao Pazo de Meirás co obxectivo de que o alumnado coñeza a historia e o patrimonio de Sada", explica.

Nestas visitas escolares, que comezaron este mércores, percorrerase a leira do pazo, catalogada como Ben de Interese Cultural coa categoría de Sitio Histórico.

As visitas serán guiadas polo técnico municipal de Turismo e realizaranse en horario de mañá, todos os mércores e xoves deste ano.

Visitas escolares ao Pazo de Meirás | Fonte: CONCELLO DE SADA.