Os contaxios detectados mantéñense por baixo da trintena e caen os casos activos
As hospitalizacións por covid en Galicia sitúanse nas 26 e a taxa de positividade descende ata o 1,11%.
- “Non hai probas de que os alimentos de orixe animal sexan vía de transmisión do coronavirus SARS-CoV-2”
- Galicia ábrese a retirar a máscara nos recreos: dará o paso se ten aval xurídico e sanitario
Por Europa Press / Redacción | SANTIAGO DE COMPOSTELA | 23/10/2021 | Actualizada ás 12:34
Galicia rexistra unha melloría da maioría dos indicadores da Covid-19 na primeira xornada sen estado de emerxencia sanitaria, cun descenso dos casos activos a 413 -tres menos-- e no número de contaxios, 26. Tamén baixa a taxa de positividade ata o 1,11%, mentres que as hospitalizacións por covid se manteñen en 26.
Segundo os datos actualizados este sábado pola Consellería de Sanidade con rexistros ata as 18,00 horas deste venres, hai sete persoas ingresadas en UCI -una menos--, mentres que en unidades convencionais permanecen 19 persoas hospitalizadas -unha máis--.
Por áreas sanitarias, a presión hospitalaria mantense sen cambios na maioría. Así, na da Coruña e Cee, seguen tres pacientes covid en UCI e sete noutras unidades; na de Lugo, continúan tres persoas ingresadas en críticos e xa non quedan persoas hospitalizadas noutras unidades. Polo seu lado, mantéñense sen cambios na área de Santiago e Barbanza, que segue sen ingresados en UCI, e tres en planta; e na de Ourense, sen críticos e con dous noutras unidades.
Tamén a área sanitaria de Ferrol se mantén sen pacientes en UCI e con dúas persoas ingresadas en planta, mentres que na de Pontevedra e O Salnés hai só un hospitalizado en críticos -sen cambios--. A única zona que presenta unha lixeira variación é a área de Vigo, onde xa non quedan pacientes hospitalizados na UCI -un menos--, pero soben a cinco os ingresados en planta -uno máis--.
MENOS CASOS ACTIVOS
Os casos activos descenden por terceira xornada consecutiva despois de dous días seguidos previos de lixeiro aumento e sae da emerxencia sanitaria con 413, que supoñen tres casos menos que nas últimas 24 horas, ao haber máis altas (29), que novos contaxios (26), e non rexistrarse ningún falecemento.
As infeccións activas aumentan en dúas das sete áreas sanitarias: Pontevedra e O Salnés (+5) e Santiago e Barbanza (+2). No resto, baixan os casos activos: Ourense (-1), Ferrol (-1), Lugo (-2), Vigo (-2) e A Coruña e Cee (-4). Por iso, a área da Coruña e Cee continúa como a única por encima do centenar de casos, con 131; seguida da de Vigo, con 69; Santiago e Barbanza, con 70; Pontevedra e O Salnés, con 52; Ourense, con 43; Lugo, con 28; e Ferrol continúa á cola, con 20.
MENOS DE 30 CONTAXIOS
Os novos contaxios de Covid-19 mantéñense por baixo da trintena con 26, dous menos que o día anterior, os mesmos que o xoves e tras ascender a 33 o mércores, despois dos 23 do martes e iniciar a semana con 21. O luns 11 de outubro rexistráronse 14, a cifra máis baixa desde que Galicia entrou en niveis de 'nova normalidade'.
Deste xeito, as persoas contaxiadas en Galicia desde o inicio desta pandemia ascenden a 182.899, das que 43.214 corresponden á área da Coruña e Cee; 37.738, á de Vigo; 27.038, á de Santiago e Barbanza; 21.792, á de Ourense; 21.491, á de Pontevedra e O Salnés; 19.982, á de Lugo; e 11.644 á de Ferrol. En toda Galicia fixéronse 2.882.331 PCR desde o inicio da pandemia, 1.577 máis que as realizadas a xornada pasada.
En canto á taxa de positividade das probas PCR --número de infeccións detectadas cada 100 test-- baixa ata o 1,11% desde o máis do 2% da xornada anterior, e tras subir ao 1,09% o día anterior, despois de descender ao 0,48% o mércores, incrementarse o martes ao 0,84% e comezar esta semana cun 0,51%. No entanto, mantense por baixo do 5% que a OMS fixa como limiar para considerar controlada a pandemia.
