Rouba un centro educativo e senta nos arredores para pasar desapercibido
Por E.P. | SANTIAGO DE COMPOSTELA | 25/10/2021 | Actualizada ás 11:42
Axentes da Policía Nacional detivo na Coruña a un mozo por un roubo con forza nun centro de ensino da cidade, tras o cal "sentou tranquilamente nos arredores, tentando pasar desapercibido" para os axentes.
Así o informou a Policía Nacional, que relatou que sobre as 3,00 horas do pasado sábado 23 de outubro, o asaltante entrou no centro educativo, o cal estaba pechado e escalou pola fachada para acceder por unha xanela ao seu interior.
A Policía foi alertada por unha testemuña e varias dotacións uniformadas da Brigada Provincial de Seguridade Cidadá acudiron ao lugar, onde realizaron unha procura deste home, tanto no interior do centro como no seu exterior e arredores.
Finalmente, foi interceptado no exterior, preto do centro educativo, sentado na vía publica en compañía doutra persoa, "tentando pasar desapercibido ante os axentes actuantes", destacan as mesmas fontes.
Con todo foi identificado pola testemuña como o autor do roubo perpetrado, e inmediatamente detido pola patrulla policial. O arrestado, de 27 anos idade, contaba con numerosos antecedentes por delitos contra a propiedade.
A Policía Nacional indicou que se descoñece a totalidade do subtraído, ao acceder a varias áreas do centro educativo, unha delas o almacén, onde pola cantidade de material que nel se atopa "non foi posible determinar polo momento o que se bota en falta", destaca.
