Por E.P. | Santiago de Compostela | 03/11/2021 | Actualizada ás 18:30
O vindeiro venres 12 de novembro o Museo Centro Gaiás da Cidade da Cultura de Galicia acollerá o acto conmemorativo do 40 aniversario da constitución da Confederación de Empresarios de Galicia (CEG), ao que asistirán as principais autoridades e representantes empresariais e sociais.
Con esta efeméride, a organización proponse, ademais de facer un repaso dos seus principais fitos ao longo deste catro décadas, centrarse na análise da conxuntura económica actual e das previsións de futuro para as empresas galegas.
No evento está previsto que interveñan Juan Manuel Vieites, presidente da organización empresarial galega; Juan Carlos Escotet, presidente de Abanca, entidade patrocinadora do evento; o alcalde de Santiago, Xosé Sánchez Bugallo; Antonio Garamendi Lecanda, presidente da Confederación Española de Organizaciones Empresariales (CEOE); e o presidente galego, Alberto Núñez Feijóo.
Posteriormente, celebrarase un xantar presidido polo rei Felipe VI, que contará coas intervencións do presidente da e do monarca.
Por outro lado, Sabadell Gallego e a Confederación de Empresarios Galegos (CEG) asinaron un acordo para pór en marcha unha liña de financiamento denominado 'Reactivamos', que ascende a 300 millóns de euros, e que se dirixe especialmente a financiar proxectos galegos de investimento que sirvan para impulsar a actividade de empresas, negocios e autónomos unha vez que pasaron os peores efectos da pandemia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.