Por E.P. | A CORUÑA | 05/11/2021 | Actualizada ás 13:51
A concelaja de Medio Ambiente do Concello da Coruña, Esther Fontán, negou contactos coa Consellería de Medio Ambiente para o posible traslado de parte do lixo de Nostián a Sogama, ao ser preguntada polas informacións publicadas a este respecto.
Coincidindo coa súa presenza nas actividades programadas no cemiterio de San Amaro e, a preguntas dos xornalistas, Fontán asegurou que A Coruña "sempre tivo unha planta de residuos e vaina a seguir tendo". A concelleira apuntou que a administración local conta co respaldo do Consorcio As Mariñas, que tamén trata os seus residuos en Nostián, e afirmou que "non haberá grandes cambios".
Respecto das protestas dos traballadores, a última ante o consistorio coruñés, coincidindo co pleno municipal do xoves, a edil manifestou que os seus "dereitos laborais" están asegurados no próximo prego e que os empregados están ao tanto diso.
Sobre o prego, manifestou que está a ser redactado por unha consultora de enxeñaría "adecuándose" ás esixencias da Unión Europea e do Goberno central en materia ambiental.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.