Por Europa Press / Redacción | A Coruña | 05/11/2021 | Actualizada ás 17:27
O Concello de Miño e a Subdelegación do Goberno na Coruña apelaron á colaboración cidadá ante o "roubo masivo" de cable eléctrico no concello.
Fixérono tras unha reunión mantida polo alcalde de Miño, Manuel Vázquez; a subdelegada do Goberno, María Rivas; e o coronel da Garda Civil, Francisco Javier Jambrina, para abordar esta cuestión.
Tanto o rexedor como a subdelegada fan unha chamada á colaboración cidadá para alertar ás forzas e corpos de seguridade do Estado ante calquera actitude sospeitosa.
Desde hai varias semanas, o Concello de Miño xa solicitou a colaboración de veciños e corpos de seguridade para tentar pór fin a esta problemática. Desde o consistorio, cifráronse os danos en 80.000 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.