Por E.P. | A CORUÑA | 08/11/2021 | Actualizada ás 10:54
O detido pola morte dun home nunha vivenda do Barrio das Flores, na Coruña, atópase en prisión provisional comunicada e sen fianza por un delito de homicido, segundo confirmaron a Europa Press fontes do Tribunal Superior de Xustiza de Galicia (TSXG).
Tras a súa detención, o home pasou a disposición xudicial o sábado no xulgado de garda, que decretou o seu ingreso en prisión, precisaron as mesmas fontes.
Ao detido considéraselle autor da morte doutro, cuxo cadáver apareceu o 30 de setembro, con signos de apuñalamento, nunha vivenda da rúa Lirios, no Barrio das Flores da Coruña.
O caseiro foi o que deu aviso ao 091 despois de que se achegase á vivenda ao non ter noticias do home. Unha vez trasladados ao lugar dos feitos, os axentes da Policía Nacional constataron que se trataba do inquilino da vivenda, que morrera tras ser apuñalado.
Desde entón, a Policía Nacional mantiña aberta a investigación para determinar as circunstancias do seu falecemento. As dilixencias foron agora declaradas secretas pola autoridade xudicial, precisaron a Europa Press fontes consultadas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.