Por Europa Press / Redacción | SANTIAGO DE COMPOSTELA | 13/11/2021 | Actualizada ás 11:25
Galicia seguen co proceso de inmunización da poboación contra a covid-19 e administraron outras 11.708 doses da vacina nun día, coas que completaron pauta outras 349 persoas.
Deste xeito, ata o momento 2.297.492 persoas contan con pauta completa na Comunidade galega, que eleva ao 93,6% a poboación diana inmunizada --maiores de 12 anos-- e ao 85,09% do conxunto dos seus habitantes.
Segundo os datos publicados na mañá deste sábado pola Consellería de Sanidade no 'Cronómetro de vacinación' con respecto á xornada do venres, recollidos por Europa Press, administráronse ata a data 4.586.256 doses, que implican 11.708 máis nunha xornada.
Ata o momento, Galicia recibiu 4.711.489 doses, unhas 100.620 máis que as chegadas ata o venres. Así, o Servizo Galego de Saúde (Sergas) leva administradas o 97,34% de todas elas.mnDas 11.708 vacinas inoculadas nas últimas 24 horas, 349 foron para completar pautas, polo que ascenden a 2.297.492 os cidadáns co proceso finalizado na Comunidade galega.
Por grupos de poboación por vulnerabilidade, hai 20.075 cidadáns de alto risco coa pauta completa; 17.592 dependentes non institucionalizados e 27.597 institucionalizados. Mentres, 2.087.805 terminaron o proceso chamados pola súa idade.
Por probabilidade de exposición, 72.613 profesionais do ámbito sanitario teñen pauta completa, 27.161 do sociosanitario e 44.073 traballadores de actividades consideradas esenciais tamén a recibiron.
O proceso de vacinación contra este coronavirus segue nos hospitais do Sergas coa administración de segundas doses pendentes e autocita para maiores de 12 anos. E desde o pasado 25 de outubro comezouse a administrar a persoas maiores de 80 anos a dose de reforzo contra a Covid en centros sanitarios de cabeceira en paralelo á vacunción antigripal.
Así mesmo, está previsto que a partir do día 19 deste mes de novembro o Sergas habilite de novo puntos de vacinación masiva cando comece a administración da dose de reforzo contra a Covid ao grupo de persoas de 70 a 79 anos en Galicia
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.