Falece un home de 70 anos que fora diagnosticado con Covid

A Consellería de Sanidade notificou na tarde deste domingo o falecemento dun home de 70 anos que estaba diagnosticado de covid-19 e que contaba con patoloxías previas.

A morte deste home no Complexo Hospitalario Universitario da Coruña (Chuac) é a primeira rexistrada desde o pasado luns, cando Sanidade notificou outros dous óbitos.

Co falecemento deste home, o número de vítimas que deixa a pandemia da covid-19 en Galicia ascendeu a 2.656.

Novas camas de UCI habilitadas nun hospital para pacientes con coronavirus, COVID-19 | Fonte: ASTURSALUD