Incremento da axuda anual para as promotoras das casas niño en máis de 2.000 euros en 2022

A conselleira de Política Social, Fabiola García, anunciou este martes o incremento en máis de 2.000 euros ás axudas anuais que reciben as promotoras das casas niño.

Este incremento suporá que as adxudicatarias que leven menos de tres anos en activo pasarán a recibir case 21.600 euros en axudas, e as que leven máis de tres chegarán ata os 24.200 euros.

García fixo o anuncio durante a súa visita ás casas niño de Argalleiros, no municipio lucense de Navia de Suarna.

A conselleira explicou que esta subida beneficiará ás preto de 90 profesionais que traballan para este servizo localizado en municipios de menos de 5.000 habitantes. Así mesmo, lembrou que coa creación das casas niño comezou a gratuidade na atención infantil de cero a tres anos.

A gratuidade estendeuse en 2020 aos segundos fillos e seguintes en todas as escolas infantís, independentemente de que sexan públicas, privadas ou de iniciativa social.

A conselleira de Política Social, Fabiola García, durante a súa visita deste martes a cásaa niño de Argalleiros de Navia de Suarna.. XUNTA | Fonte: Europa Press