A mobilización convocada por SOS Ourense foi un "fracaso absoluto" para Pérez Jácome

O alcalde de Ourense, Gonzalo Pérez Jácome, cualificou de "fracaso absoluto" a manifestación realizada na tarde do pasado pola plataforma SOS Ourense que reuniu a unhas 2.000 persoas. En declaracións aos medios este venres, o rexedor asegurou que "puido constatar" que "non se reuniron máis de 2.000 persoas" na protesta, convocada contra a situación "crítica" que, segundo os promotores da manifestación, atravesa a cidade de Ourense e a provincia.

O argumento de Jácome para desmentir as cifras de asistencias foi que, segundo o líder de Democracia Ourensá, a Praza Maior ten un aforamento de 2.500 persoas "apertadas" e que nas imaxes da protesta "pódese observar como a xente estaba folgada". Así, asegurou que se pode cualificar a convocatoria de "fracaso absoluto" por ser uns "números moi pequenos, unha porcentaxe que non chega ao 20% dos votantes".

"Se temos en conta que houbo 56.000 votantes nas últimas eleccións municipais e que Democracia Ourensá estivo ao redor dos 12.000 votos, igual que PP e PSOE, máis ou menos, 2.000 persoas son unha porcentaxe moi pequena", esgrimiu. Ademais, apuntou que se "enganou a todos os convocantes" dicindo que a manifestación era para unha cousa e "logo, ao final, centrábase no tiro á alcaldía".

Varias persoas participan nunha manifestación para protestar contra a situación da cidade, ante a Subdelegación do Goberno, a 18 de novembro de 2021, en Ourense.. Rosa Veiga - Europa Press | Fonte: Europa Press