Por E.P. | SANTIAGO DE COMPOSTELA | 22/11/2021 | Actualizada ás 13:18
O Concello de Santiago autorizou un gasto de 647.195,30 euros para bolsas de comedor, adquisición de material e actividades extraescolares que beneficiarán a máis de 1.300 alumnos.
Así o anunciou este luns en rolda de prensa o concelleiro secretario da Xunta de Goberno Local de Santiago, Sindo Guinarte, quen explicou que se aprobaron 11 recursos de reposición favorables e catro desfavorables, tras o que se autoriza ese gasto que "atende o total das solicitudes".
Por unha banda, o desembolso cubrirá 745 solicitudes de bolsas de comedor con 1.322 alumnos beneficiados, puntualizou Guinarte, que puntualizou que se concederon, ademais, 398 axudas para actividades extraescolares e 568 para comedor por escaseza de recursos.
A elas engádense 141 axudas para material escolar e 100 bolsas de comedor por conciliación, concretou na rolda de prensa este portavoz municipal.
OUTROS ASUNTOS
A Xunta de Goberno Local tamén deu luz verde a outros acordos como a adxudicación de adquisición de 70 colectores de carga lateral e 100 de carga traseira para recollida selectiva de bioresiduos por importe de 52.429 e 5.953 euros, respectivamente.
Ademais, Sindo Guinarte explicou que se desestimaron varios recursos de reposición pola venda ambulante na contorna da Catedral a diversos solicitantes.
Outros asuntos acordados inclúen a aprobación de 25.735 euros para obras de rehabilitación no bloque 11 do barrio de Vite; e outras duns 26.600 euros no de Pontepedriña para instalación de ascensores e envolvente dos edificios.
Noutra orde de temas, o edil informou de acordos de programas de conciliación en Nadal para a ludoteca de Fontiñas con 60 prazas para nenos de 4 a 12 anos. E outra de 100 prazas para segundo ciclo de infantil e ata terceiro de primaria --menores de 3 a 12 anos-- de colexios de Santiago e empadroados no municipio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.