Por E.P. | SANTIAGO DE COMPOSTELA | 24/11/2021 | Actualizada ás 13:49
A sección sindical da CXT en Navantia Ferrol denunciou, a través dun comunicado, que a dirección da empresa naval pública "ofreceu a compañeiros dun gremio de Ferrol" a desprazarse ao estaleiro de San Fernando "para traballar nos preparativos da botadura prevista naquela factoría para principios de decembro", e cuxos traballos se están vendo afectados pola folga do metal, unha posibilidade que "todos eles rexeitaron".
Ante este escenario a CXT considera "unha vergoña que a dirección de Navantia tente que traballadores da nosa factoría contribúan a boicotear a folga dos compañeiros do metal de Cádiz". Neste sentido, esta organización sindical xa expuxo no seo da permanente do comité de empresa "a necesidade dunha acción de repudio de todo o persoal contra este intento de converternos en esquiroles". Ademais, tamén reclama "a dimisión do directivo de Navantia responsable desta manobra impresentable".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.