Por Europa Press / Redacción | SANTIAGO DE COMPOSTELA | 25/11/2021 | Actualizada ás 10:04
Unha persoa foi atendida sobre a medianoite deste xoves debido a un posible escape de gas rexistrado na súa vivenda no municipio de Curtis.
Segundo informou o 112 Galicia, sobre as 00,15 horas deste xoves unha persoa chamou ao servizo de emerxencias para alertar de que na súa vivenda había unha posible fuga de gas xa que, horas antes, a súa parella comezou a sentirse mal e tivo que ser levada e atendida no centro médico da zona.
Para o domicilio, situado na Rúa do Doutor Martínez Pardo, en Teixeiro, os xestores do CIAE-112 mobilizaron aos Bombeiros de Betanzos, aos membros do GES e de Protección Civil de Curtis, a axentes da Garda Civil e a persoal da empresa subministradora do gas.
Despois de facer as comprobacións necesarias no punto, os bombeiros confirmaron medicións moi baixas de monóxido de carbono, polo que se procedeu a ventilar o lugar.
Por parte do 112 Galicia reitérase "a insistencia de extremar as precaucións oportunas" co fin de "evitar imprevistos deste tipo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.