Por E.P. | A CORUÑA | 27/11/2021 | Actualizada ás 12:16
A Garda Civil detivo unha veciña do municipio de Carballo por supostamente furtar xoias en domicilios de anciás ás que coidaba. Segundo informa a Garda Civil nun comunicado, a operación Carcayu desenvolveuse por mor da denuncia da filla dunha anciá, que mostrou a súa sospeita cara á persoa que substituíra temporalmente á empregada que coidaba á súa nai.
Axentes do posto de Carballo constataron que se produciron outros feitos similares na zona. Así, precedeuse a deter á muller como presunta autora de catro delitos de furto. As xoias recuperadas foron reintegradas ás súas lexítimas propietarias, aínda que a investigación continúa aberta para a recuperación total dos obxectos subtraídos. A muller foi posta a disposición do xulgado de garda de Carballo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.