Suspendida a edición de Pazolandia en Ourense pola mala evolución da pandemia

A Deputación de Ourense acordou suspender a edición 2021-2022 de Pazolandia, despois da reunión mantida polo presidente provincial, Manuel Baltar, e o asesor de Deportes, Bernardino González, na que analizaron a actual situación sanitaria provocada pola covid-19, cuxa evolución desaconsella a organización de actividades multitudinarias en espazos pechados.

Manuel Baltar expresou o seu máis firme desexo de que o próximo ano "se poida abrir de novo o maior parque de atraccións de Galicia".

Ao tempo, fixo unha chamada á prudencia a todos os veciños da provincia nuns momentos complexos e ás portas "dunhas festas moi familiares, pero tamén de enorme importancia para empresas e negocios".