Carmela Silva tras a visita de Almeida: "Hoxe andou por aquí un señor baixiño de Madrid"
O PP de Galicia reprobou o comentario da presidenta da Deputación de Pontevedra, á que advertiu que "é compatible" pensar "distinto" e "non usar o físico para atacar a ninguén".
Por E.P. | SANTIAGO DE COMPOSTELA | 04/12/2021 | Actualizada ás 20:42
A presidenta da Deputación de Pontevedra, Carmela Silva, referiuse este sábado á visita a Vigo do alcalde de Madrid, José Luís Martínez Almeida, nas súas redes sociais, onde, aínda sen mencionar o seu nome, identificou ao rexedor da capital española como "un señor baixiño de Madrid".
"Hoxe un señor baixiño de Madrid andou por aquí. Creo que vén ver se aprende algo", recolle no seu perfil a dirixente socialista, que recibiu numerosas críticas polo apelativo físico ao rexedor madrileño.
De feito, o PP de Galicia reprobou o comentario da presidenta da Deputación de Pontevedra, á que advertiu que "é compatible" pensar "distinto" e "non usar o físico para atacar a ninguén".
"Nin a idade, o xénero ou a condición sexual. A política necesita persoas educadas midan o que midan. Carmela non é unha delas. Saúdos á súa cuñada", sinalan os populares o seu tuit.
"QUE SAIAN DO SEU AGOCHO"
Fano despois de que esta mesma semana a Sala do Penal do Tribunal Supremo (TS) confirmase a condena a 5 anos e tres meses de cárcere ao que fose alto funcionario do Concello de Vigo Francisco Javier G.O. por promover a adxudicación irregular de varios contratos menores a unha concesionaria municipal, coa finalidade de pagarlle un salario a unha cuñada da presidenta da Deputación.
Esste mesmo sábado, o secretario do PP de Pontevedra, Luís López, pediu a Carmela Silva, así como ao alcalde vigués, Abel Caballero, e ao PSOE provincial que "saian do seu agocho e asuman a súa responsabilidade política" ante "a trama de corrupción ideada para enchufar á cuñada da presidenta da Deputación".
