O Parlamento de Galicia, máis accesible para as persoas con xordeira

A Cámara vén de instalar equipos para facilitar a audición nas zonas do público e os deputados, entre outras.

Por E.P. | SANTIAGO DE COMPOSTELA | 08/12/2021 | Actualizada ás 17:29

Comparte esta noticia

O Parlamento de Galicia instalou esta semana un sistema de bucle magnético que facilita a audición ás persoas xordas que utilizan audífonos, segundo informa. En concreto, reduce de maneira significativa o ruído de fondo que escoitan os usuarios deste tipo de dispositivos e melloran a intelixibilidade.

Instalouse na área de deputados e de público do salón de plenos o Parlamento, no Salón dos Reis e na sala de exposicións. Tamén se habilitou un equipo portátil (con emisor e receptores portátiles), destinado a prestar servizo ás visitas guiadas ou actividades programadas en áreas diferentes ás delimitadas co bucle magnético.

O equipo técnico sinalízase cun símbolo de accesibilidade auditiva que o identifica nos distintos espazos do Pazo do Hórreo. A instalación do bucle magnético súmase a outras medidas xa implantas polo Parlamento de Galicia como a instalación de pictogramas orientados a facilitar a accesibilidade cognitiva das persoas con trastorno do espectro autista (TEA).

A iso, engádense a incorporación dun servizo de interpretación de lingua de signos na emisión web das sesións do Pleno e da Deputación Permanente ou a convocatoria dun concurso para mellorar a accesibilidade do Pazo do Hórreo e suprimir barreiras arquitectónicas.

Parlamento de Galicia. PARLAMENTO DE GALICIA
Parlamento de Galicia. PARLAMENTO DE GALICIA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta