María Cureses e Raúl Santos gañan o XXXIII Premio Torrente Ballester da Deputación da Coruña
Trátase dun dos premios "máis veteranos" que convoca esta institución.
Por Europa Press / Redacción | A CORUÑA | 10/12/2021 | Actualizada ás 18:36
Raúl Santos Ageitos, coa novela 'Cornucopia', e María Cureses de la Vega, con 'Nin luz nin pranto', son os gañadores da XXXIII edición do Premio Torrente Ballester de narrativa da Deputación da Coruña. O fallo do xurado foi feito público este venres polo deputado de Cultura, Xurxo Couto, acompañado polos comisarios Susana Pedreira e Ramón Rozas.
Xurxo Couto destacou que se trata dun dos premios "máis veteranos" que convoca esta institución e un dos "máis prestixiosos do panorama literario galego".
Da obra de Raúl Santos, o xurado destacou que se trata dunha "parodia moi ben construída e cargada de ironía, sobre o papel do escritor e a literatura". No caso de María Cureses, subliña "a riqueza expresiva da novela e a técnica narrativa coa que achega o tema da violencia contra a muller en Cidade Juárez".
OUTRAS ACTUACIÓNS
Noutra orde de cousas, o organismo provincial anunciou un investimento de 200.000 euros para a promoción da mostra de encaixe de Camariñas e a de 'cheiraría' de Buño.
Noutra das iniciativas impulsadas polo organismo provincial, a teleasistencia, cifrou nesta xornada en 2.903 as persoas que fan uso do mesmo, a maioría maiores que residen sós.
