Por E.P. | PONTEVEDRA | 10/12/2021 | Actualizada ás 18:49
O PP rexistrou formalmente a petición para a convocatoria dun pleno extraordinario no que os populares quierene reclamar a dimisión da presidenta da Deputación de Pontevedra, Carmela Silva, tras a sentenza do Supremo que condena a un ex alto funcionario do Concello de Vigo que enchufó á cuñada da mandataria provincial.
Co obxectivo de que Silva "asuma a súa responsabilidade", o portavoz do grupo provincial do PP, Jorge Cubela, e o resto de deputados na corporación rexistraron a solicitude este venres na sede da Deputación pontevedresa.
"Seguimos esixindo explicacións e responsabilidades políticas ante un silencio que é atronador e de todo inexplicable", sinalou a deputada Pepa Pardo, que censurou as "ameazas" que, din, chegaron na xornada do xoves da man do deputado socialista Carlso López Font, en quen o PP asegura que Carmela Silva se está escondendo para "non dar a cara".
"Non imos calar e seguiremos esixindo explicacións e responsabilidades políticas alá onde sexa necesario. É incomprensible este silencio nun estado democrático, por parte dunha responsable política e ante un caso tan grave como o que acaba de ratificar o Tribunal Supremo", aseverou o popular.
Nesta liña, Pardo incidiu en que "por respecto institucional e por dignidade política" Carmela Silva debe "dar unha explicación ao respecto" posto que "non cabe na cabeza de ninguén" que a recentemente nomeada presidenta do PSdeG "non soubera que a súa cuñada estaba a cobrar sen traballar do erario público de todos os vigueses"
"Pídolle que, xa que presume de ser unha abanderada da igualdade, que alce a súa voz para dar as explicacións pertinentes, e que asuma a súa responsabilidade política nesta trama. Non nos esquezamos de que en democracia a oposición pregunta e o goberno responde", incidiu a deputada do PP.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.