Por Gc Tendencias | Santander | 02/04/2014 | Actualizada ás 19:42
O xurado, formado por compositores de sona, o pianista e musicólogo Luciaano González Sámano e Andrea Portera, gañadora na edición anterior, fallou a favor do compositor galego por unanimidade. Os motivos dados son a orixinalidade da obra, a depurada técnica e o alto nivel compositivo.
O premio resulta dobremente especial xa que este ano se celebra o 50 aniversario do falecemento do compositor Arturo Dúo Vital, quen dá nome ao concurso. Dito certame forma parte do apoio da Fundación Botín á creación musical, xunto ao Concurso Internacional de Composición Pianística Manuel Valcárcel, promovido pola mesma entidade.
Juan Eiras Tojo (Vigo 1977) é un dos novos talentos musicais de Galicia con maior proxección, incluído na denominada Xeración Sensible de compositores galegos. As súas obras foron interpretadas polas máis importantes agrupacións de Galicia e España, ademais de escoitarse en países como Portugal, Italia, Francia ou Xapón.
Juan Eiras recibiu abondosos galardóns. Entre eles destacan o Premio Andrés Segovia-José Miguel Ruíz Morales na edición 2009 do curso universitário “Música en Compostela” ou o II Concurso de Composición para Bandas de Música Populares, tamén en 2009.
A súa obra Samhain foi selecionada em 2012 para formar parte do repertorio do grupo instrumental PluralEnsemble, tras gañar a "Convocatoria para Jóvenes Compositores".
En 2013 a Fundación Autor (SGAE) en colaboración coa Asociación Española de Orquestas Sinfónicas concédelle una bolsa para escribir una peza para a Real Filharmonía de Galicia.
Esta peza, titulada Old sailor´s room será estreada o próximo 22 de maio no compostelano Auditorio de Galicia, compartindo programa con Falla e Tchaikovski. A estrea será a cargo da Real Filharmonía de Galicia dirixida por Maximino Zumalave. A Real Filharmonía repetirá programa ao día seguinte, 23 de maio no Auditorio Municipal de Ourense
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.