Bugallo sitúa a chegada do AVE a Santiago en xullo de 2022

"Será coa dispoñibilidade dos novos trens Avril", asegura.

Por Europa Press / Redacción | SANTIAGO DE COMPOSTELA | 17/12/2021 | Actualizada ás 19:21

Comparte esta noticia

O alcalde de Santiago de Compostela, Xosé Sánchez Bugallo, calculou a chegada do AVE á capital galega en xullo do próximo ano, coincidindo coa dispoñibilidade dos novos trens Avril de Renfe que presentarán este servizo.

Así o trasladou en rolda de prensa con motivo da próxima inauguración do AVE en Ourense o luns 21, onde explicou ademais as razóns polas que a alta velocidade aínda non chegou a Santiago de Compostela.

"Os trens Avril que prestan servizo aínda non están dispoñibles", explicou. Neste sentido, espera que os vehículos estean dispoñibles ao longo do 2022, concretamente "no mes de xullo, que é a data que se facilita".

Bugallo engadiu, ademais, que a vía Ourense-Santiago trátase dun tramo cuxos raíles están adaptados ao ancho ibérico. Con todo, os trens de alta velocidade utilizan o ancho europeo e que por iso "hai que facer un movemento para adaptalo".

O alcalde expresou que "cabe que estes AVE cheguen ata Santiago facendo esa sinxela operación" e que "a súa intención" é que o poidan "concretar" na reunión coa comisión de seguimento da intermodal en xaneiro.

Tren AVE de Talgo, Avril
Tren AVE de Talgo, Avril

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta