Monbus reformula os seus horarios de conexión con Ourense para adaptalos á chegada do AVE
A empresa prevé un aumento "significativo" de viaxeiros par a estación intermodal.
Por Europa Press / Redacción | OURENSE | 18/12/2021 | Actualizada ás 19:46
Monbus reformulará os seus horarios de conexión con Ourense a partir do martes 21 de decembro, día de posta en servizo para o público do AVE entre Galicia e Madrid, para así favorecer o transbordo co servizo ferroviario de alta velocidade.
Ademais, introduciu outras novidades como servizos exprés e a venda anticipada a través da súa páfina web monbus.es, segundo informa a compañía a través dun comunicado.
A empresa estima que a chegada do AVE a Galicia suporá para a estación intermodal de Ourense un "aumento de tráfico significativo" que podería chegar ata 400.000 viaxeiros ao ano.
Por iso, Monbus adaptou a conexión entre a cidade das Burgas e as de Vigo, Lugo e Pontevedra, cuxos novos horarios se poden consultar na súa web e redes sociais.
