Temas: MúSICA MORTE

Falece aos 41 anos o músico ourensán Jaime Mateo, integrante de Os Amigos dos Músicos e O Sonoro Maxín

Numerosos artistas e grupos galegos mandaron as súas condolencias.

Por Europa Press / Redacción | Ourense | 20/12/2021 | Actualizada ás 19:32

O músico ourensán Jaime Mateo faleceu o pasado domingo aos 41 anos de idade. Foi integrante de grupos como Os Amigos do Músicos, O Sonoro Maxín e Emilio José e Vos Indíxenas.

Segundo adianta 'La Región', o falecemento do músico produciuse por mor dun infarto. Como vocalista e batería en Os Amigos dos Músicos, gravou os discos 'Os Amigos dos Músicos' (2016) e 'Segundo fogar' (2019).

Numerosos artistas e grupos galegos mandaron as súas condolencias a través das redes sociais nas últimas horas por esta perda.

A SGAE tamén lamentou o falecemento "repentino" de Jaime Mateo, socio da entidade, a quen define como un "autor imprescindible".

Temas: MúSICA MORTE