Por Galicia Confidencial | Compostela | 22/12/2021 | Actualizada ás 09:00
Será os días 22, 23 e 24 de marzo do ano que vén e será a primeira vez que participarán nun mesmo evento todas as Denominacións de Orixe (DO) e Indicacións Xeográficas Protexidas (IXP) de Galicia. O I Encontro do Viño Galego Revera Vinum, organizado pola Asociación Hostalaría Compostela (que aglutina a máis de 600 locais de Santiago e comarca), tratará de de difundir os viños galegos entre profesionais do sector e veciñanza.
A iniciativa conta co apoio de Turismo de Galicia e, segundo explican dende a Asociación Hostalaría Compostela, serivirá ademais de para dar a coñecer e promover a enoloxía galega, como atractivo turístico en temporada baixa.
O I Revera Vinum desenvolverase no Hotel Monumento San Francisco, con ponencias, mesas de debate e catas impartidas por algúns dos máis coñecidos sumilleres, enólogos e catadores galegos e do resto de España. Así, entre outros, xa teñen confirmada a súa participación Xurxo Alba, Paula Fandiño, Rafael Palacios, Luis e Alejandro Paadín, Alberto Varela e Salomé Beiroa. O encontro contará ademais con diversas actividades paralelas, como un curso de
catas ou un roteiro de viños.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.