O Concello da Coruña pecha o ano con 764 licenzas urbanísticas concedidas

O Concello da Coruña pechará o ano con 764 licenzas urbanísticas concedidas, rexistrando un incremento por segundo ano consecutivo, segundo informou a alcaldesa, Inés Rey, tras a Xunta de Goberno. Nela, aprobáronse 28 licenzas.

Das 764 concedidas este ano, 187 son no ámbito do Plan Especial de Rehabilitación e Reforma interior de Cidade Vella-A Pescadería, 22 máis que no ano 2020.

"Queda de manifesto que fixemos un importante esforzo por incrementar o parque de vivendas da nosa cidade e por rehabilitar as xa existentes, conseguindo o ritmo de concesión de licenzas máis alto dos últimos anos", explicou a alcaldesa.