Prezos do marisco disparados antes da Noiteboa
O Santiaguiño chegouse a pagar a 170 euros o quilo, o bogavante a 60 euros, a nécora a 40 euros e a centola ao redor dos 20 euros.
Por E.P. | SANTIAGO DE COMPOSTELA | 23/12/2021 | Actualizada ás 19:58
Os prezos do marisco disparáronse en vésperas de Noiteboa, cunha campaña bastante "boa" segundo destaca o presidente da Federación Nacional de Confrarías de Pescadores e patrón maior de Burela, Basilio Otero.
Tanto é así que "o Santiaguiño chegouse a pagar a 170 euros o quilo, o bogavante a 60 euros, a nécora a 40 euros e a centola ao redor dos 20 euros".
Otero celebrou que se confirmou esa "previsión" de altos prezos nesta xornada antes de Noiteboa. "Xa desde o martes alcanzáronse prezos importantes", subliñou.
En canto ao peixe, Otero puntualizou que "iso son cousas moi concretas, algo de robaliza e a pescada que fluctúa moito". No entanto, móstrase tamén "satisfeito" Basilio Otero, pois "as capturas non é que fosen moi abundantes, pero iso anima o prezo".
"Santiaguiños non hai moitos, é un marisco que escasea do mesmo xeito que o bogavante e a nécora que alcanzaron prezos importantes. A xente no sector está contenta", asegurou o presidente da Federación Nacional de Confrarías.
