Case 130.000 menos de entre 5 e 14 anos xa teñen polo menos unha dose en Galicia
O Sergas administra outras 31.400 vacinas nun día, máis de 2.000 para completar pautas.
Por Europa Press / Redacción | SANTIAGO DE COMPOSTELA | 28/12/2021 | Actualizada ás 11:52
Despois da pausa da campaña de vacinación dos días 25 e 26 de decembro, este luns 27 o Servizo Galego de Saúde (Sergas) inoculou un total de 31.404 doses, das que 2.118 foron para completar pautas.
Así, segundo os datos publicados este martes, 28 de decembro, pola Consellería de Sanidade, con cifras referidas ao peche da xornada do 27, o Sergas administrou ata a data un total de 5.760.431 vacinas. Ademais, hai en Galicia 2.344.237 persoas coa pauta completa --2.118 máis que hai un día--, o que implica que a inmunización alcanza ao 86,82% da poboación galega.
Das persoas que foron vacinadas nas últimas horas, 106 eran nenos e nenas de 5 a 14 anos de idade, de maneira que xa teñen polo menos unha dose 128.477 menores entre esas idades.
VACINACIÓN POR GRUPOS
Por grupos de poboación, por vulnerabilidade hai 17.995 cidadáns de alto risco coa pauta completa; 16.442 dependentes non institucionalizados e 27.632 institucionalizados. Polo seu lado, 2.158.892 terminaron o proceso ao ser chamados pola súa idade.
Por probabilidade de exposición, 74.985 profesionais do ámbito sanitario teñen pauta completa, 27.785 do sociosanitario e 19.828 traballadores de actividades consideradas esenciais tamén a recibiron.
