Por E.P. | SANTIAGO DE COMPOSTELA | 29/12/2021 | Actualizada ás 15:33
Case unha vintena de concellos galegos poderán optar ás axudas para entidades locais do 'Plan de Infraestruturas públicas nas zonas de Transición Xusta' do Instituto para a Transición Xusta (ITJ), que o Ministerio para a Transición Ecolóxica e o Reto Demográfico (Miteco) publicou este mércores no Boletín Oficial do Estado (BOE).
A Delegación de Goberno en Galicia explicou, sobre as bases reguladoras deste programa de axudas, que tamén se publicou a convocatoria de axudas asociada, dotada con 91 millóns de euros, con cargo ao Plan de Recuperación, Transformación e Resiliencia (PRTR). Os municipios que poden optar a recibilas, en réxime de concorrencia competitiva, alcanzan o total de 184 en todo o territorio nacional.
As subvencións irán dirixidas a financiar o custo de execución de proxectos en inmobles e espazos públicos e bens de dominio público, co obxectivo de permitir "a rehabilitación e transformación para novos usos de bens, espazos e terreos de titularidade pública, que reforcen o compoñente social, ambiental e dixital dos espazos públicos ou axuden á creación doutros novos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.