Por E.P. | SANTIAGO DE COMPOSTELA | 29/12/2021 | Actualizada ás 18:23
Renfe facilitará o cambio de billetes sen gastos ante a situación sanitaria actual e o aumento dos contagios por covid-19, segundo informou mediante un comunicado.
Asi, os viaxeiros que teñan billete para viaxar entre este mércores 29 de decembro e ata o 15 de xaneiro de 2022 en trens de Ave, Longa Distancia, Avant e Media Distancia e que non poidan realizar a súa viaxe por motivos sanitarios, ao ter que gardar illamento, poderán cambiar sen custos a data do seu billete.
Para os viaxeiros que non puidesen viaxar antes de hoxe por motivos sanitarios, o ente público lembra que poden tramitar a súa solicitude de cambio a través das canles de postventa (https://www.renfe.com/es/es/ayuda, o teléfono gratuíto 900 878 333 e en estacións, a través do libro de reclamacións).
"Todas estas peticións levarán a cabo, aínda que a xestión das mesmas poderíase dilatar en función das solicitudes recibidas", lembraron.
Ademais, nos seus servizos públicos, Renfe ampliou temporalmente a caducidade dos títulos multiviaxe Avant, Abono Cartón Plus e Cartón Plus 10 ata o 30 de xuño de 2022. Esta medida dá continuidade á ampliación dos títulos multiviaxe do servizo Avant, que se adoptaron, por primeira vez, o pasado día 17 de outubro de 2020 como consecuencia da crise sanitaria.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.