Por Europa Press / Redacción | SANTIAGO DE COMPOSTELA | 01/01/2022 | Actualizada ás 19:10
Galicia pechou o 2021 con preto de 180.000 "compostelanas" (tal e como os peregrinos lle chaman a este cartón da Igrexa e que sería "compostelá" en galego) seladas polo Centro Internacional de Acollida ao Peregrino, co que superou a previsión deste ano de chegar a 140.000 credenciais.
Ademais, segundo un comunicado da Xunta de Galicia, habería que teneren conta os peregrinos que termina o Camiño sen selar a credencial,co que a cifra podería incrementarse un 30%.
A Xunta asegurou nun comunicado que a cifra "confirma a boa saúde do Camiño" e destacaron o que se superou a expectativa de credenciais tendo en conta que ata abril, polas restricións sanitarias, os datos eran "testemuñais".
Segundo o balance que o Goberno galego fixo do pasado ano, a maior parte dos peregrinos que completaron o Camiño son de orixe español, case o 70%. Con todo, nos últimos meses do pasado ano comezouse a notar o incremento da presenza de peregrinos doutros países.
Prevese que esta reactivación internacional continúe na segunda parte do Ano Santo Dobre. Así, ademais de Portugal, de onde proceden máis dos 5% peregrinos rexistrados en 2021, entre as nacionalidades máis frecuentes destacan Italia, con máis dun 4%, e Alemaña e Estados Unidos, por encima do 3%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.