As Tanxugueiras volven aos escenarios en marzo coa xira 'Midas'

A xira será presentada na Coruña.

Por Europa Press / Redacción | SANTIAGO DE COMPOSTELA | 04/01/2022 | Actualizada ás 18:38

Comparte esta noticia

O grupo Tanxugueiras regresa o 26 de marzo aos escenarios coa presentación da xira 'Midas'. Será na Coruña, onde, segundo a organización, presentará "unha proposta vibrante na que o trío de pandereteiras presenta a nova sonoridad do grupo". Nela, incorpora a interpretación, ao vivo, dos novos sinxelos do grupo, como Terra, Figa, Teo ou Midas.

A presentación terá lugar na Sala Pelícano da Coruña. A cita comezará ás 22,00 horas, aínda que a apertura de portas será unha hora antes. As entradas para o concerto de presentación sairán á venda este mércores 5 de xaneiro. Os menores de 16 anos poderán ir acompañados da súa nai, pai ou titor legal.

O concerto da Coruña supón a presentación ao vivo da xira 'Midas' e, por tanto, do próximo traballo de Sabela Maneiro, Aida Tarrío e Olaia Maneiro, un álbum que se publicará este 2022 e enel que o grupo segue reformulando a música tradicional desde unha óptica contemporánea. Co seu último tema, 'Terra', participarán no Benidorm Fest neste mes de xaneiro. A iniciativa gañadora deste certame, promovido por RTVE, participará en Eurovisión o próximo mes de maio.

Xira de Tanxugueiras. THE OFFICE COMUNICACIÓN
Xira de Tanxugueiras. THE OFFICE COMUNICACIÓN

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta