O delegado do Goberno reivindica a nova Lei de Formación Profesional como unha aposta polo "emprego de calidade"
Destaca a asignación de 4,4 millóns de euros a Galicia.
Por E.P. | A CORUÑA | 05/01/2022 | Actualizada ás 14:42
O delegado do Goberno en Galicia, José Miñones, reivindicou a nova Lei de Formación Profesional como unha aposta polo "emprego de calidade". Nun comunicado, destaca a asignación de 4,4 millóns de euros a Galicia para Formación Profesional "en sectores estratéxicos emerxentes como as novas tecnoloxías ou a biofarmacia".
"Os fondos buscan a cualificación e a recualificación da poboación activa, con especial incidencia nas áreas de reto demográfico e impacto en once sectores", asegura. Por outra banda, afirma que "a aposta do Goberno pola FP implicou unha consignación de 84 millóns de euros á Xunta o ano pasado dentro do Plan de Modernización da FP para garantir á mocidade galega educación e emprego de calidade".
