Por E.P. | Ferrol | 05/01/2022 | Actualizada ás 16:57
As oficinas de Turismo de Ferrol atenderon máis de 14.000 turistas e case 9.200 peregrinos durante o ano 2021. O Concello da cidade publicou este mércores os datos rexistrados nas oficinas de Turismo da Praza de Armas e do porto de Curuxeiras nos que se detecta unha suba respecto ao 2020.
A concelleira de Turismo e Promoción Económica, María Teresa Dios, valorou estas cifras como "moi positivas" e engadiu que o "importante aumento" no turismo durante os últimos meses reflicte que "crece o interese por Ferrol".ç
A concelleira destacou o Castelo de San Felipe como un dos recursos turísticos máis importantes para a cidade e que aumentou as súas cifras de visitantes durante o ano pasado.
O Concello resalta as 28.569 visitas que recibiu o castelo en 2021 fronte ás 20.566 do ano 2020. Ademais subliña que este crecemento no volume de visitantes produciuse a pesar de que o castelo estivo pechado preto de dous meses polas restricións sanitarias e as obras de rehabilitación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.