O PSOE de Ourense acusa ao alcalde de "fomentar os malos tratos animais" polo uso de dromedarios na cabalgata
Lembran que Ourense é unha cidade "declarada como libre de espectáculos con animais".
Por Europa Press / Redacción | OURENSE | 07/01/2022 | Actualizada ás 13:37
O PSOE de Ourense acusou ao alcalde, Gonzalo Pérez Jácome, de "fomentar os malos tratos animais" polo uso de dromedarios na cabalgata e de empregalos como "xoguetes".
Nun comunicado, os socialistas ven ao rexedor "illado na Idade de Pedra" e repróchanlle o uso de animais "sen importarlle a tensión ou sufrimento que estes padecen neste tipo de espectáculos".
Lembran que Ourense é unha cidade "declarada como libre de espectáculos con animais" e apuntan que a nova lei de protección animal establece a prohibición de "este tipo de prácticas". Cualifican tamén o sucedido de "auténtica vergoña" e argumentan que o rexedor contratou aos dromedarios "co beneplácito dos seus socios do PP".
