A sexta onda aínda non para de crecer: 71.500 casos tras 6.000 novos contaxios nun día

A taxa de positividade redúcese a un 16,6% na Comunidade galega despois de 14.775 PCR e test de antíxenos realizados en 24 horas.

Por Europa Press / Redacción | SANTIAGO DE COMPOSTELA | 11/01/2022 | Actualizada ás 11:15

Comparte esta noticia

Os casos activos de Covid-19 seguen en aumento e alcanzan unha nova marca ao superar a barreira dos 71.500 por primeira vez desde o inicio da pandemia, cun total de 71.504, que supoñen 3.780 máis que a xornada anterior, tras contabilizarse 5.927 novos contaxios. Pola súa banda, os hospitalizados por este coronavirus aumentan a 510 --oito máis que o día pasado-- e a taxa de positividade redúcese a un 16,6 por cento no conxunto da Comunidade galega.

Segundo os datos actualizados na mañá deste martes pola Consellería de Sanidade con rexistros ata as 18,00 do luns, descenden a 48 as persoas ingresadas en UCI pola Covid-19 en Galicia --cinco menos--, pero aumentan a 462 as hospitalizadas noutras unidades --13 máis--, mentres que 70.994 pacientes permanecen en seguimento no seu domicilio.

Por áreas sanitarias, a presión hospitalaria alíviase en tres lixeiramente: A Coruña-Cee, Ourense e Santiago-Barbanza; mentres que aumenta nas outras catro: Vigo, Lugo, Ferrol e Pontevedra-O Salnés.

En concreto, na de Ourense descenden a seis os pacientes Covid en UCI --un menos-- e a 69 os ingresados noutras unidades --tres menos--; mentres que na da Coruña e Cee seguen 13 en críticos --sen cambios-- e baixan a 88 os hospitalizados noutras unidades --tres menos--.

Pola súa banda, na de Santiago e Barbanza descenden a cinco os pacientes Covid en UCI --dúas menos-- e a 71 os ingresados noutras unidades --un menos--; mentres que na de Vigo, aínda que descenden a 11 o críticos --un menos--, aumentan a 96 os hospitalizados noutras unidades --catro máis--. Na área de Lugo baixan a catro os ingresados pola Covid en UCI --un menos--, pero aumentan a 48 os que se atopan noutras unidades --seis máis--.

Nas de Pontevedra-O Salnés e Ferrol non hai cambios nos pacientes Covid en UCI, con sete e dous, respectivamente; mentres que aumentan a 61 --seis máis-- e a 29 --catro máis-- os ingresados noutras unidades por este coronavirus.

MÁIS DE 71.500 CASOS ACTIVOS

Os casos activos de Covid-19 manteñen a tendencia ascendente e exceden a barreira dos 71.000 por primeira vez na pandemia no marco desta sexta onda, ao situarse en 71.504, que constitúen 3.780 máis que a xornada anterior, o que supón un aumento maior que o día previo, ao haber de novo máis contaxios (5.927) que altas (2.138), ao que se engaden varios falecementos.

A área de Vigo concentra o maior incremento de infeccións activas (+940), seguida da da Coruña e Cee (+764), Santiago e Barbanza (+605), Ourense (+589), Lugo (+419), Pontevedra e O Salnés (+261) e Ferrol (+202).

Deste xeito, con máis casos activos continúa a área sanitaria de Vigo, con 16.139; seguida da da Coruña e Cee, con 13.623; Santiago e Barbanza, con 12.615; Ourense, con 9.175; Pontevedra e O Salnés, con 8.190; Lugo, con 7.294; e á cola mantense a de Ferrol, con 4.468.

Segundo os últimos datos actualizados polo Ministerio de Sanidade este pasado luns 10 de xaneiro, a incidencia acumulada a 14 días de Galicia sitúase en 2.926,5 casos por 100.000 habitantes, fronte aos 2.989,47 de media en España.

CASE 6.000 CONTAXIOS

Polo seu lado, os novos contaxios de Covid-19 repuntan aos 5.927, tras comezar esta semana con 4.966, polo que se volve a superar a barreira dos 5.000 --como sucedeu o pasado domingo 9 de xaneiro--. O martes pasado, 4 de xaneiro, rexistráronse 3.815.

Galicia acumula desde o inicio desta pandemia 294.509 contaxiados por coronavirus, dos que 65.874 corresponden á área de Vigo; 62.913, á da Coruña; 44.420, á de Santiago; 37.693, á de Ourense; 35.107, á de Pontevedra; 30.442, á de Lugo; e 18.060, á de Ferrol.

Galicia levou a cabo nas últimas 24 horas 5.674 PCR, que supoñen un milleiro menos que o día anterior, e eleva a 3.423.924 as feitas desde o inicio da pandemia; e 9.101 test de antíxenos, que suman 1.232.135 desde o inicio da pandemia, o que representa 14.775 probas efectuadas entre ambas as --231 máis que o día anterior--.

En canto á taxa de positividade en PCR --número de infeccións detectadas cada 100 test--, redúcese a un 16,61 por cento tras comezar esta semana cun 22,6%. Con todo, mantense por encima do limiar do 5% que fixa a Organización Mundial da Saúde (OMS) para dar por controlada a pandemia.


Un grupo de persoas pasea polas rúas de Vigo.. Marta Vázquez Rodríguez - Europa Press
Un grupo de persoas pasea polas rúas de Vigo.. Marta Vázquez Rodríguez - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta